Loiba. Ruta das algas

Mapa da ruta

Ampliar

PUNTO DE PARTIDA:
Acceso a Ribeira do Carro. 43°44'09.80" N 7°45'53.48" O
PUNTO DE DESTINO:
Pasarela praia de Esteiro. 43°44'43.03" N 7°43'37.84" O
DISTANCIA:
6,8 km (só ida).
TIPO DE SINALIZACIÓN:
Pivotes de madeira


Como chegar?

No km 63,3 da AC 862, en Loiba, toma o desvío cara ao Picón. Despois sigue a sinalización que indica Pena Furada. A pista asfaltada conclúe onde se inicia esta ruta.

Tamén podes utilizar o tren. FEVE fai parada nesta parroquia. Nese caso, deberás sumar algúns quilómetros para incorporarte ao itinerario sinalizado.

O que vas atopar:

  • Un paraíso natural por descubrir na parroquia de Loiba, libre de cemento, libre de ruído; incluído na Rede Natura.
  • Unha sucesión de praias virxes, rodeadas dun certo halo de misterio.
  • Pronunciados cantís de filitas e xistos, con rochas de formas caprichosas, autenticamente monumentais.
  • Un singular e diminuto embarcadoiro entre enormes penas, que fala do duro oficio dos mariñeiros do lugar.
  • Cun pouco de sorte, a curiosa estampa nas ribeiras das recolectoras de algas xunto aos seus burros, que soben polo cantil coas alforxas cheas desta planta mariña.