Axenda

XXVII Feira do Mel do Ortegal

No Museo Ortegalia o día 14 e na Alameda de Ortigueira o día 15 de novembro.

A XXVII edición da Feira do Mel do Ortegal contará este ano con actividades culturais, feriais e gastronomía.

O sábado a partir das 11:00 h o Museo Ortegalia acollerá conferencias sobre a Historia da Apicultura, con Vanesa Trevín, a reproducción do apiario e a cría de raíñas, con Jara e Marcos Varela, e as últimas novidades sobre a Vespa Velutina, por AGA Ortegal. 

O domingo ás 11:00 h. abrirase a feira na que se poderán adquirir mel, productos e material apícola e artesanía, ademáis de participar no sorteo de cestas. Tamén haberá obradoiros de mel, cera, cestería e madeira e xogos para os máis pequenos.

Ás 13:00 h actuará a Escola de Gaitas de Ortigueira e, a continuación haberá unha degustación de mel do Ortegal con queixo, que servirá de aperitivo do xantar popular que terá lugar ás 14:30 h. De merenda: magosto e queimada ás 18 h.

Durante toda a fin de semana haberá petiscos elaborados con mel nos seguintes establecementos: Cabana do Fos, Planeta, Orillamar, Manolo's Xantar, Casa Giz, Casa Rodrigo, Río Sor, O Bodegón 90, O Malecón, Bar Rodela, Alameda y la Cervecería de Aída.