Axenda

Exposición fotográfica: "Entre Dos Mundos"

No Museo Ortegalia ata o 17 de agosto.

A fotógrafa de Espasante, afincada en Londres, Mónica Méndez Aneiros mostra o seu novo traballo entre os días 3 e 17 de agosto na sala de exposicións do Museo Ortegalia.

A artista presentará o próximo día 2 de agosto ás 20:00 horas a súa nova colección de fotografías “Entre dos Mundos”, inspiradas nas estatuas e nas clases sociais.

A iniciativa deste proxecto ten o obxectivo de expresar a diferencia entre clases sociais mediante unha serie de fotografías con imaxes onde a artista se centra, unha vez máis, no detalle. A idea nace da obsesión que a fotógrafa ten hacia as estatuas. Síntese intrigada por como unha estatua no seu silencio pode chegar, en moitas ocasións, a comunicar e apuntar tanto a través das súas expresións, roupas ou xestos.

O horario de visitas será de martes a venres de 11:00 a 14:00 e de 17:00 a 20:00 h.

Fins de semana aberto só en horario de mañá e luns pechado.