Praia de San Antonio

A alternativa norte de Espasante. Con excelente acceso e con servizos básicos (aparcadoiro, duchas, aseos adaptados, recollida selectiva), esta praia está situada ao pé da praza de San Antonio, que preside a estatua homenaxe ao soado porco "Antón", un porquiño que manteñen entre os veciños e que anda solto polas rúas da localidade.

É San Antonio, onde o monte baixa ata a mesma praia, menos frecuentado que o veciño areal da Concha cun carácter máis marcadamente familiar e turí­stico. E a diferenza deste, presenta maior ondada e máis resaca.

Esta praia, que durante anos gozou de bandeira azul, supón o punto final da "Ruta dos mariñeiros" e marca o arranque do itinerario polo litoral da parroquia de Céltigos.